​​სსიპ ლევან სამხარაულის სახელობის სასამართლო ექსპერტიზის ეროვნული ბიურო უსამძიმრებს ბაბუშერადან და გუმისთადან გადმოსვენებული მებრძოლების ოჯახებს და პატივს მიაგებს ქვეყნის ერთიანობისთვის ბრძოლაში გმირულად დაღუპულ მეომართა ხსოვნას.

​​სსიპ ლევან სამხარაულის სახელობის სასამართლო ექსპერტიზის ეროვნული ბიუროს ექსპერტებმა მონაწილეობა მიიღეს CODIS-ის მომხმარებელთა კონფერენციაში, რომელიც 17-19 ნოემბერს აშშ-ში, ოკლაჰომას  შტატის ქალაქ ნორმანში გაიმართა. კონფერენციას მსოფლიოს მასშტაბით 500 მონაწილე დაესწრო, რომლებმაც  ერთმანეთს  ბაზასთან მუშაობის გამოცდილება გაუზიარეს.

​​2014 წლის 19 ნოემბერს, სსიპ ლევან სამხარაულის სახელობის სასამართლო ექსპერტიზის სამედიცინო დეპარტამენტში, ამერიკის შეერთებული შტატების საელჩოს (INL პროგრამის) ორგანიზებით,  ამერიკის შეერთებული შტატების საგამოძიებო ბიუროს მთავარმა ექსპერტმა კრის სპერიმ ბიუროს სასამართლო მედიცინის ექსპერტებისთვის ტრენინგი ჩაატარა.

​2014 წლის 12 ნოემბერს სსიპ ლევან სამხარაულის სახელობის სასამართლო ექსპერტიზის ეროვნული ბიუროს სამედიცინო ექსპერტიზის დეპარტამენტს სომხეთის მოძიების სამუშაო ჯგუფის წევრები ესტუმრნენ. ვიზიტის მიზანი იყო დელეგატები ადგილზე გაცნობოდნენ ექსჰუმირება-გამოკვლევის ჩატარების საფუძვლებს. მათ დაათვალიერეს სამედიცინო ექსპერტიზის დეპარტამენტის თანამედროვე ტექნიკით აღჭურვილი შენობა და ლაბორატორიები.