​​2015 წლის 22 აპრილს საქართველოს პირველად ესტუმრა აშშ-ს სახელმწიფო დეპარტამენტის INL-ის  ევროპისა და აზიის რეგიონებთან ურთიერთობების ბიუროს დირექტორი ლესლი ვიგერი. ბიუროს უფროსმა გიორგი თვაურმა უცხოელ სტუმარს სამედიცინო ექსპერტიზის დეპარტამენტში დანერგილი სიახლეები, მიღწევები გააცნო და მადლობა გადაუხადა ბიუროს განვითარებაში შეტანილი წვლილისთვის რომელსაც INL-ი წლების განმავლობაში ახორციელებს. შეხვედრის ფარგლებში ასევე ისაუბრეს ბიუროს მიმდინარე პროექტებზე და მომავალი თანამშრომლობის გეგმებზე.

​​2015 წლის 16 აპრილს საქართველოს პირველად ესტუმრა სასამართლო ექსპერტიზის დაწესებულებათა ევროპული ქსელის (ENFSI) მმართველი საბჭო, რომელსაც სსიპ ლევან სამხარაულის სახელობის სასამართლო ექსპერტიზის ეროვნული ბიურო მასპინძლობს. 

​​სსიპ ლევან სამხარაულის სახელობის სასამართლო ექსპერტიზის ეროვნული ბიუროს ბიოლოგიური ექსპერტიზის დეპარტამენტის, ISO17025 აკრედიტირებულმა დნმ ლაბორატორიამ 2014 წლის ბოლოს, მონაწილეობა მიიღო საერთაშორისო საკვალიფიკაციო ორ ტესტში (გარე აუდიტი), ადამიანის ბიომასალის წარმომავლობის, დნმ-ის გამოსავლიანობასა და გენოტიპირებაში.

​​სასამართლო ექსპერტიზის ეროვნული ბიუროს ქიმიურ-ნარკოლოგიური ექსპერტიზის დეპარტამენტის ქიმიურ-ტოქსიკოლოგიური ექსპერტიზის სამმართველო ყოველწლიურად  მონაწილეობს სასამართლო ექსპერტიზის დაწესებულებების ევროპული ქსელის (ENFSI) და გაერთიანებული ერების დანაშაულისა და ნარკოტიკების ორგანიზაციის (UNODC) მიერ ორგანიზებულ საერთაშორისო ტესტირებაში და მუდმივად ერთ-ერთ წამყვან ადგილს იკავებს.