სსიპ ლევან სამხარაულის სახელობის სასამართლო ექსპერტიზის ეროვნული ბიუროს უფროსი დეპარტამენტების ხელმძღვანელებთან ერთად ბათუმის შოთა რუსთაველის სახელმწიფო უნივერსიტეტს ესტუმრა. ბიუროს უფროსის გიორგი მურვანიძის და უნივერსიტეტის რექტორის ტიტე აროშიძის მიერ გაფორმდა ურთიერთთანამშრომლობის მემორანდუმი, რომლის მიზანია აკადემიური და პროფესიული სივრცეების დაახლოება, ცოდნისა და პრაქტიკული გამოცდილების ინტეგრაცია და ერთობლივი პროექტების განხორციელება. 

2026 წლის 10-12 ივნისს, პირველად საქართველოში, ქალაქ ბათუმში, სსიპ ლევან სამხარაულის სახელობის სასამართლო ექსპერტიზის ეროვნული ბიუროს ორგანიზებით, გაიმართება ექსპერტთა საერთაშორისო კონფერენცია სახელწოდებით „ინოვაციები სასამართლო ექსპერტიზაში 2026“. აღნიშნული ღონისძიება წარმოადგენს მნიშვნელოვან პლატფორმას ცოდნის, გამოცდილებისა და პროფესიული ხედვების გასაზიარებლად როგორც ადგილობრივი, ისე საერთაშორისო ექსპერტებისთვის.

ევროპის ადამიანის გენეტიკოსთა ასოციაციის (ESHG) სამეცნიერო კომიტეტის გადაწყვეტილებით, სსიპ ლევან სამხარაულის სახელობის სასამართლო ექსპერტიზის ეროვნული ბიუროს ბიოლოგიური ექსპერტიზის დეპარტამენტის ექსპერტების მიერ ჩატარებული კვლევის — „იშემიური ინსულტის გენეტიკური წინასწარგანწყობა: მემკვიდრული თრომბოფილიის გენების პოლიმორფიზმის როლი ქართულ პოპულაციაში“ — შედეგები, პოსტერ-პრეზენტაციის სახით, წარდგენილ იქნება, ევროპის ადამიანის გენეტიკოსთა ასოციაციის (ESHG) კონფერენციაზე შვედეთში, რომელშიც ყოველწლიურად საშუალოდ, მსოფლიოს სხვადასხვა ქვეყნის დაახლოებით 7000 გენეტიკოსი იღებს მონაწილეობას.

სსიპ ლევან სამხარაულის სახელობის სასამართლო ექსპერტიზის ეროვნულმა ბიურომ ახალი ლოგო შეიმუშავა. განახლებული ლოგო აერთიანებს საექსპერტო მიმართულებებს და ერთიან სიმბოლოში წარმოაჩენს მათ ურთიერთკავშირს.