სსიპ ლევან სამხარაულის სახელობის სასამართლო ექსპერტიზის ეროვნული ბიუროს კირიაკ ზავრიევის სახელობის სამშენებლო მექანიკის, სეისმომედეგობისა და საინჟინრო ექსპერტიზის ცენტრის ნორმატიული, ტექნიკური და ექსპერიმენტალური კვლევების სამმართველომ, ჩეხეთის რესპუბლიკის ქალაქ ბრნოს ტექნიკური უნივერსიტეტის, სამოქალაქო ინჟინერიის ფაკულტეტის საგამოცდო ინსტიტუტის მიერ ორგანიზებულ საერთაშორისო ლაბორატორიათაშორის ტესტირებაში მიიღო მონაწილეობა.  ISO/IEC 17025:2017/2018-ის აკრედიტაციის სფეროს ფარგლებში და ევროსტანდარტების შესაბამისად, განხორციელდა  EN 772-1-ის მიხედვით კერამიკული აგურის ექვსი ნიმუშის,  ხოლო EN 12390-3-ის მიხედვით ბეტონის სამი კუბიკის კუმშვაზე სიმტკიცის გამოცდა. მიღებული პასუხებით, ბიუროს საინჟინრო ექსპერტიზის დეპარტამენტის ექსპერტებმა უმაღლესი შეფასება დაიმსახურეს.  საერთაშორისო ლაბორატორიათაშორის ტესტირებებში ბიუროს მონაწილეობა და მიღებული მაღალი შეფასებები ადასტურებს ექსპერტთა კომპეტენციას, კვლევების სიზუსტესა და საერთაშორისო ნორმებისა და სტანდარტების სრულ შესაბამისობას.

სსიპ ლევან სამხარაულის სახელობის სასამართლო ექსპერტიზის ეროვნული ბიუროს ქიმიური ექსპერტიზის დეპარტამენტის კვების პროდუქტების, თამბაქოს ნაწარმის, ალკოჰოლიანი და უალკოჰოლო სასმელების ექსპერტიზის სამმართველომ საერთაშორისო ლაბორატორიათშორის ტესტირებაში მიიღო მონაწილეობა. ტესტირების ფარგლებში, ლაბორატორიის ექსპერტებმა პროფესიული ტესტების მწარმოებელი გერმანული ავტორიზებული კომპანიის (DRRR)-ის მიერ მოწოდებული ტესტების გამოყენებით განახორციელეს ხორცის ნიმუშებში Salmonella spp.-ის თვისობრივი კვლევა. ტესტირების შედეგების საფუძველზე ლაბორატორიამ მიიღო შეფასება — „Excellent performance“. ბიუროს ექსპერტები სისტემატურად მონაწილეობენ ავტორიტეტული საერთაშორისო საექსპერტო დაწესებულებებისა და კომპანიების მიერ ორგანიზებულ ლაბორატორიათშორის ტესტირებებში, რომლის ფარგლებშიც მიღებული უმაღლესი შედეგები ადასტურებს ექსპერტთა მაღალ პროფესიულ კვალიფიკაციას და კიდევ უფრო ზრდის სანდოობას ბიუროს საქმიანობის მიმართ.

ექსპერტიზის ეროვნულმა ბიურომ, შობა-ახალი წლის დღეებში საქველმოქმედო აქცია განახორციელა. ბიუროს წარმომადგენლებმა თბილისისა და გარდაბნის მუნიციპალიტეტებში, ასევე იმერეთის მხარესა და აჭარის ავტონომიურ რესპუბლიკაში მცხოვრებ სოციალურად დაუცველ ოჯახებს საყოფაცხოვრებო ტექნიკა, მედიკამენტები და პირველადი საჭიროების ნივთები გადასცეს. ბიურო სოციალური პასუხისმგებლობის ფარგლებში, ტრადიციულად ახორციელებს და მომავალშიც გააგრძელებს მსგავს საქველმოქმედო ინიციატივებს.

სასამართლო ექსპერტიზის ეროვნული ბიურო გილოცავთ ახალ წელს და დამდეგი შობის ბრწყინვალე დღესასწაულს. გაცნობებთ, ბიურო 5 და 6 იანვარს ჩვეულ რეჟიმში იმუშავებს.