სსიპ ლევან სამხარაულის სახელობოის სასამართლო ექსპერტიზის ეროვნული ბიუროს, წითელი ჯვრის საერთაშორისო კომიტეტის (ICRC) და შერიგებისა და სამოქალაქო თანასწორობის საკითხებში სახელმწიფო მინისტრის აპარატის ურთიერთანამშრომლობით,  2008 წლის აგვისტოს ომის დროს დაღუპული კიდევ 7 მშვიდობიანი მოქალაქის გადმოსვენება და იდენტიფიცირება მოხერხდა, რომელთა ნეშტებიც დღეს ოჯახებს გადაეცათ.

2019 წლის 23 იანვარს, ბიუროს, ევროკავშირის მიერ დაფინანსებული,  ორგანიზებული დანაშაულის წინააღმდეგ ბრძოლის მხარდამჭერი პროექტის ხელმძღვანელის მოადგილე ასენ იანიჩევი ესტუმრა, რომელსაც სსიპ.ლევან სამხარაულის სახელობის სასამართლო ექსპერტიზის ეროვნული ბიუროს უფროსის მოადგილემ, გიორგი მურვანიძემ უმასპინძლა.

ბატონმა ასენ იანიჩევმა დაათვალიერა ბიუროს ულტრათანამედროვე ტექნოლოგიით აღჭურვილი ლაბორატორიები, დეტალურად გაეცნო ბიუროს საქმიანობის სპეციფიკას,დანერგილ სიახლეებს და მომავალი ურთიერთანამშრომლობის ფარგლებში,  გამოთქვა მზადყოფნა ბიუროს ექსპერტების საერთაშორისო ტრენინგებში მონაწილეობის ხელშეწყობის კუთხით.

​2018 წლის ნოემბრის თვეში სსიპ  ლევან  სამხარაულის სახელობის სასამართლო ექსპერტიზის ეროვნული ბიუროს კვების პროდუქტების, თამბაქოს ნაწარმის, ალკოჰოლიანი და უალკოჰოლო სასმელების ექსპერტიზის სამმართველომ მონაწილეობა მიიღო პროფესიულ ტესტირებაში. ტესტირების ორგანიზატორი იყო აკრედიტირებული პროფესიული ტესტირების პროვაიდერი PHENOVA. ტესტირების მიზანს წარმოადგენდა სასმელი წყლის ნიმუშში ტოქსიკური მეტალების რაოდენობრივი შემცველობის განსაზღვრა. ანალიზი ჩატარდა  ათი დასახელების მეტალის აღმოჩენაზე.