2021 წელს ყოველწლიური პროფესიული ტესტირების ჩასატარებლად, სასამართლო ექსპერტიზის დაწესებულებების ევროპული ქსელის (ENFSI) ნარკოტიკების სამუშაო ჯგუფის მიერ ბიუროს ქიმიურ-ნარკოლოგიური ექსპერტიზის დეპარტამენტის ქიმიურ-ტოქსიკოლოგიური ექსპერტიზის სამმართველოსთვის წარმოდგენილ იქნა 4 საანალიზო ნიმუში, კერძოდ ნარკოტიკული საშუალებები - ტეტრაჰიდროკანაბინოლის შემცველი მცენარეული ფხვნილი, ამფეტამინი,  კოკაინი  და კათინონის კლასის ფსიქოსტიმულატორი  ნ-ეთილჰექსედრონი. ბიუროს ექსპერტებთან ერთად აღნიშნულ ტესტირებაში ევროპული ქვეყნების სამოცდა ცხრა ლაბორატორიამ მიიღო მონაწილეობა.

სსიპ ლევან სამხარაულის სახელობის სასამართლო ექსპერტიზის ეროვნული ბიუროს უფროსმა მამუკა ჯანგულაშვილმა მონაწილეობა მიიღო  2021 წლის 27 მაისს  ENFSI-ს ორგანიზებით,  კოვიდ 19 პანდემიის გამო ვირტუალურად გამართულ საერთაშორისო ყოველწლიურ კონფერენციაში.  

სსიპ ლევან სამხარაულის სახელობის სასამართლო ექსპერტიზის ეროვნულმა ბიურომ შეიმუშავა და დაამტკიცა შეზღუდული შესაძლებლობების მქონე პირთა უფლებების დაცვის სამოქმედო გეგმა, რომლის მიხედვითაც იგეგმება, როგორც ბიუროს ინფრასტრუქტურის უნივერსალური დიზაინის შესაბამისად ადაპტირება შშმ პირთათვის სრული ხელმისაწვდომობის უზრუნველსაყოფად, ასევე ბიუროს სერვისების სარგებლობის მიზნით, შშმ პირთათვის მათ საჭიროებებზე ადაპტირებული პროგრამების და მასალების მომზადება. 

სსიპ ლევან სამხარაულის სახელობის სასამართლო ექსპერტიზის ეროვნული ბიუროს უფროსი მამუკა ჯანგულაშვილი ამერიკის შეერთებული შტატების საელჩოს ანტინარკოტიკული და სამართალდამცავ ორგანოებთან თანამშრომლობის (INL) ბიუროს დირექტორს რებეკა ჰანტს, ატაშეს იურიდიულ საკითხებში ჰეზარ ბერგს  და ატაშეს ასისტენტს კევინ  ორკინს შეხვდა.