სსიპ ლევან სამხარაულის სახელობის სასამართლო ექსპერტიზის ეროვნული ბიუროს ქიმიური ექსპერტიზის დეპარტამენტის - ნივთიერებათა, მასალათა, ნაკეთობათა და მცენარეთა ექსპერტიზის სამმართველომ ფრანგული  ავტორიტეტული კომპანიის  „CompaLab“-ის“  მიერ ორგანიზებულ ყოველწლიურ საერთაშორისო ტესტირებაში მიიღო მონაწილეობა.  ექსპერტების მიერ, ტესტირების ფარგლებში უჟანგავი ფოლადის ელემენტური შემადგენლობა განისაზღვრა  🔹ინდუქტიურ პლაზმასთან შეწყვილებულ ოპტიკურ - ემისიური  სპექტრომეტრული  (“ICP-OES”)  ვალიდირებული მეთოდით; 🔹რენტგენო ფლუოროესცენტული ASTM E 1085 : 2009 სტანდარტული მეთოდით; 🔹ნახშირბადის და გოგირდის შემცველობა განისაზღვრა ინფრაწითელი აბსორბციული  გოსტი 27069-86 (2021) და გოსტი 27041-86 (2021) სტანდარტული  მეთოდებით. ბიუროს მიერ სამივე მეთოდი აკრედიტირებულია ISO/IEC 17025:2017/2018-ის შესაბამისად.

სსიპ ლევან სამხარაულის სახელობის სასამართლო ექსპერტიზის ეროვნული ბიუროს უფროსმა გიორგი მურვანიძემ, მოადგილეებთან ერთად დეპარტამენტის ხელმძღვანელებთან სამუშაო შეხვედრა გამართა. შეხვედრის ფარგლებში განხილულ იქნა გასული წლის საქმიანობის შედეგები, შეფასდა განხორციელებული პროექტები და მიღწეული პროგრესი. შეხვედრის მონაწილეებმა იმსჯელეს ბიუროს განვითარების სამომავლო გეგმებზე, პრიორიტეტულ მიმართულებებსა და ორგანიზაციის ეფექტიანობის გაზრდის შესაძლებლობებზე. სასამართლო ექსპერტიზის ეროვნული ბიურო აგრძელებს მუშაობას ინსტიტუციური განვითარების, მომსახურების ხარისხის მუდმივი გაუმჯობესებისა და თანამედროვე მოთხოვნებზე მორგებული სერვისების დანერგვის მიმართულებით.

სსიპ ლევან სამხარაულის სახელობის სასამართლო ექსპერტიზის ეროვნული ბიუროს კირიაკ ზავრიევის სახელობის სამშენებლო მექანიკის, სეისმომედეგობისა და საინჟინრო ექსპერტიზის ცენტრის ნორმატიული, ტექნიკური და ექსპერიმენტალური კვლევების სამმართველომ, ჩეხეთის რესპუბლიკის ქალაქ ბრნოს ტექნიკური უნივერსიტეტის, სამოქალაქო ინჟინერიის ფაკულტეტის საგამოცდო ინსტიტუტის მიერ ორგანიზებულ საერთაშორისო ლაბორატორიათაშორის ტესტირებაში მიიღო მონაწილეობა.  ISO/IEC 17025:2017/2018-ის აკრედიტაციის სფეროს ფარგლებში და ევროსტანდარტების შესაბამისად, განხორციელდა  EN 772-1-ის მიხედვით კერამიკული აგურის ექვსი ნიმუშის,  ხოლო EN 12390-3-ის მიხედვით ბეტონის სამი კუბიკის კუმშვაზე სიმტკიცის გამოცდა. მიღებული პასუხებით, ბიუროს საინჟინრო ექსპერტიზის დეპარტამენტის ექსპერტებმა უმაღლესი შეფასება დაიმსახურეს.  საერთაშორისო ლაბორატორიათაშორის ტესტირებებში ბიუროს მონაწილეობა და მიღებული მაღალი შეფასებები ადასტურებს ექსპერტთა კომპეტენციას, კვლევების სიზუსტესა და საერთაშორისო ნორმებისა და სტანდარტების სრულ შესაბამისობას.

სსიპ ლევან სამხარაულის სახელობის სასამართლო ექსპერტიზის ეროვნული ბიუროს ქიმიური ექსპერტიზის დეპარტამენტის კვების პროდუქტების, თამბაქოს ნაწარმის, ალკოჰოლიანი და უალკოჰოლო სასმელების ექსპერტიზის სამმართველომ საერთაშორისო ლაბორატორიათშორის ტესტირებაში მიიღო მონაწილეობა. ტესტირების ფარგლებში, ლაბორატორიის ექსპერტებმა პროფესიული ტესტების მწარმოებელი გერმანული ავტორიზებული კომპანიის (DRRR)-ის მიერ მოწოდებული ტესტების გამოყენებით განახორციელეს ხორცის ნიმუშებში Salmonella spp.-ის თვისობრივი კვლევა. ტესტირების შედეგების საფუძველზე ლაბორატორიამ მიიღო შეფასება — „Excellent performance“. ბიუროს ექსპერტები სისტემატურად მონაწილეობენ ავტორიტეტული საერთაშორისო საექსპერტო დაწესებულებებისა და კომპანიების მიერ ორგანიზებულ ლაბორატორიათშორის ტესტირებებში, რომლის ფარგლებშიც მიღებული უმაღლესი შედეგები ადასტურებს ექსპერტთა მაღალ პროფესიულ კვალიფიკაციას და კიდევ უფრო ზრდის სანდოობას ბიუროს საქმიანობის მიმართ.