​​2014 წლის 16-25  სექტემბერს სსიპ ლევან სამხარაულის სახელობის სასამართლო ექსპერტიზის ეროვნული ბიუროს უფროსი გიორგი თვაური, საინფორმაციო ტექნოლოგიების და კომპიუტერული ექსპერტიზის დეპარტამენტის უფროსი როლანდ მახმუდოვი ამერიკის შეერთებულ შტატებში საერთაშორისო კონფერენციას ესწრებიან.

​2014 წლის 12 სექტემბერს სსიპ ლევან სამხარაულის სახელობის სასამართლო ექსპერტიზის ეროვნულ ბიუროში სტაჟიორთა კონკურსში გამარჯვებულ სტუდენტებს ბიუროს ადმინისტრაციის უფროსი თამარ მელაშვილი შეხვდა. ბიუროს მიერ გამოცხადებული კონკურსის შედეგად შეირჩა 20 ბაკალავრი და მაგისტრანტი, რომლებიც ერთი წლის განმავლობაში ბიუროს სხვადასხვა დეპარტამენტებში გაივლიან სტაჟირებას. მათ შესაძლებლობა ექნებათ მაღალკვალიფიციური ექსპერტებისგან მიიღონ ცოდნა და დაეუფლონ იმ უნარ-ჩვევებს, რომელიც მნიშვნელოვანია ექსპერტიზის სფეროში საქმიანობისთვის.

​​2014 წლის აგვისტოს თვეში სსიპ ლევან სამხარაულის სახელობის სასამართლო ექსპერტიზის ეროვნულ ბიუროს ბ-ნ პატვაკან ვოსკანიანის ხელმძღვანელობით სომხეთის საექსპერტო დაწესებულების დელეგაცია ესტუმრა. აღნიშნული ვიზიტი საქართველოში ერევანში ამერიკის საელჩოს (INL) მხარდაჭერით და დაფინანსებით განხორციელდა.

​​2014 წლის 10-16 აგვისტოს სსიპ ლევან სამხარაულის სახელობის სასამართლო ექსპერტიზის ეროვნული ბიუროს ქიმიურ-ნარკოლოგიური ექსპერტიზის დეპარტამენტის უფროსი პაატა თუშურაშვილი, კრიმინალისტიკური ექსპერტიზის დეპარტამენტის უფროსის მოადგილე ლევან სიმონიშვილი, საერთაშორისო ურთიერთობების და ხარისხის კონტროლის სამმართველოს თანამშრომელი უჩა მარგველაშვილი ოფიციალური მიწვევით ყირგიზეთის რესპუბლიკაში გაემგზავრნენ.