სსიპ ლევან სამხარაულის სახელობის სასამართლო ექსპერტიზის ეროვნულმა ბიურომ, იუსტიციის სამინისტროს, მსჯავრდებულთა პროფესიული მომზადებისა და გადამზადების ცენტრის ინოვაციური პროექტის - რესოციალიზაციის მარკეტის ერთი წლის აღსანიშნავ ღონისძიებაში მიიღო მონაწილეობა. 

სსიპ ლევან სამხარაულის სახელობის სასამართლო ექსპერტიზის ეროვნულმა ბიურომ, თბილისის პირველი გიმნაზიის მოსწავლეებს უმასპინძლა. მოსწავლეებმა კრიმინალისტიკური ექსპერტიზის დეპარტამენტის ბალისტიკური, ტრასლოგიური, დაქტილოსკოპიური, დოკუმენტების და ხელწერის ექსპერტიზის ლაბორატორიები დაათვალიერეს და ექსპერტებისგან დეტალური ინფორმაცია მიიღეს ექსპერტიზის წარმოების თანამედროვე სტანდარტების და კვლევის სპეციფიკის შესახებ. 

სსიპ ლევან სამხარაულის სახელობის სასამართლო ექსპერტიზის ეროვნული ბიუროს, სამედიცინო ექსპერტიზის დეპარტამენტის უფროსი ნონო კიკაბიძე შერიგებისა და სამოქალაქო თანასწორობის საკითხებში, საქართველოს სახელმწიფო მინისტრის აპარატის მიერ ორგანიზებულ, 1990-იან წლებში აფხაზეთში და 2008 წლის აგვისტოში სამაჩაბლში, რუსეთ-საქართველოს ომის შედეგად, უგზო-უკვლოდ დაკარგულთა ოჯახის წევრებთან შეხვედრას დაესწრო. 

2023 წლის 10 ივნისიდან 17 ივნისის ჩათვლით, სსიპ ლევან სამხარაულის სახელობის სასამართლო ექსპერტიზის ეროვნული ბიუროს უფროსის მოადგილე მერაბ მურღულია, დასავლეთ საქართველოს რეგიონული ექსპერტიზის დეპარტამენტის უფროსი მირიან სამხარაძე და ეკონომიკური დეპარტამენტის ლოჯისტიკის სამმართველოს უფროსი პაპუნა აბულაძე ამერიკის შეერთებული შტატების სახელმწიფო დეპარტამენტის ანტინარკოტიკულ და სამართალდამცავ ორგანოებთან თანამშრომლობის ბიუროს (INL) მიწვევით, ამერიკის შეერთებულ შტატებში, ქ. ვაშინგტონში იმყოფებოდნენ.