საქართველოს პრემიერ-მინისტრმა ირაკლი კობახიძემ უხუცეს საჯარო მოხელეს, რევაზ კაპანაძეს, რომელიც 76 წელია, სასამართლო ექსპერტიზის ეროვნულ ბიუროში მუშაობს, 100 წლის იუბილე მიულოცა. საიუბილეო თარიღთან დაკავშირებით, მთავრობის მეთაური რევაზ კაპანაძეს სამსახურში ესტუმრა, მას ჯანმრთელობა უსურვა და საჯარო სამსახურში მრავალწლიანი მოღვაწეობისთვის მადლობა გადაუხადა.

ბიუროს ბიოლოგიური ექსპერტიზის დეპარტამენტის უფროსმა ნინო ყოჩიაშვილმა სომხეთში, ქალაქ ერევანში, საერთაშორისო რეგიონულ კონფერენციაში, თემაზე „Forensic DNA Database Development Programs", მიიღო მონაწილეობა, რომელიც სასამართლო დნმ-ის მონაცემთა ბაზის საერთაშორისო სტანდარტების შესაბამისად ფორმირებას მიეძღვნა. 

სსიპ ლევან სამხარაულის სახელობის სასამართლო ექსპერტიზის ეროვნული ბიუროს სამედიცინო ექსპერტიზის დეპარტამენტში, საქართველოს ტერიტორიული მთლიანობისთვის ბრძოლაში დაღუპული კიდევ 12 მეომერის ნეშტი გადაეცა ოჯახის წევრებს. ოჯახებთან შეხვედრას ესწრებოდა ბიუროს უფროსის მოადგილე გიორგი მურვანიძე, რომელმაც წითელი ჯვრის საერთაშორისო კომიტეტის ხელმძღვანელთან ანიეს ქოთუსთან და სამოქალაქო თანასწორობის საკითხებში საქართველოს სახელმწიფო მინისტრთან თეა ახვლედიანთან ერთად სამძიმარი გამოუცხადა დაღუპული მეომრების ოჯახებს და მადლობა გადაუხადა სამშობლოსთვის გაწეული თავდადებისთვის.

სსიპ ლევან სამხარაულის სახელობის სასამართლო ექსპერტიზის ეროვნული ბიუროს საერთაშორისო ურთიერთობების და ხარისხის კონტროლის, კრიმინალისტიკური ექსპერტიზის და ქიმიურ-ნარკოლოგიური ექსპერტიზის დეპარტამენტების ერთობლივი მუშაობის შედეგად, 2024 წლის დასაწყისში აკრედიტაცია მიენიჭა: ბიუროს ქიმიურ-ნარკოლოგიური ექსპერტიზის დეპარტამენტის, ნარკოლოგიური ექსპერტიზის სამმართველოს საგამოცდო ლაბორატრიას აატ ისო/იეკ 17025:2017/2018 სტანდარტის შესაბამისად