სსიპ ლევან სამხარაულის სახელობის სასამართლო ექსპერტიზის ეროვნული ბიუროს ფოტო, ვიდეო და ჰაბიტოსკოპიური ექსპერტიზის სამმართველოს ექსპერტებმა გაიარეს ამერიკის შეერთებული შტატების ვირჯინიის შტატში (ქ. არლინგტონი) ამერიკული კომპანია Ideal Innovations, Inc-ის მიერ ორგანიზებულ სპეციალიზებული სახის საიდენტიფიკაციო პროფესიული ტრენინგი - Facial Identification Training (F.I.T.) 202 Facial Examination Course. გადამზადების შედეგად, ექსპერტებმა შეისწავლეს სახის შედარებითი ანალიზის განვითარების ეტაპები, ასევე გაეცნენ წამყვანი საერთაშორისო ორგანიზაციების - FISWG (Facial Identification Scientific Working Group, სახის საიდენტიფიკაციო სამეცნიერო სამუშაო ჯგუფი), ENFSI (European Network of Forensic Science Institutes - სასამართლო ექსპერტიზის დაწესებულებათა ევროპული ქსელი), OSAC (Organization of Scientific Area Committees - სამეცნიერო სფეროების კომიტეტების ორგანიზაცია) და ASTM (Advancing Standards Transforming Markets - სტანდარტების განვითარების საერთაშორისო ორგანიზაცია) - მიერ შემუშავებულ სტანდარტებსა და სახელმძღვანელოებს, რომლებიც თანამედროვე საექსპერტო პრაქტიკის საფუძველს წარმოადგენენ.

სსიპ ლევან სამხარაულის სახელობის სასამართლო ექსპერტიზის ეროვნული ბიურო აქტიურად განაგრძობს საქართველოს წამყვანი უნივერსიტეტების სტუდენტებთან შეხვედრების კამპანიას, რომლის მიზანია ახალგაზრდებისთვის ბიუროს საქმიანობის გაცნობა, მათი დაინტერესება დეფიციტური და შრომის ბაზარზე მოთხოვნადი პროფესიებით.

სსიპ ლევან სამხარაულის სახელობის სასამართლო ექსპერტიზის ეროვნული ბიუროს უფროსი, დეპარტამენტის ხელმძღვანელებთან ერთად ქუთაისის საერთაშორისო უნივერსიტეტს ესტუმრა. შეხვედრის ფარგლებში მხარეებს შორის გაფორმდა ურთიერთთანამშრომლობის მემორანდუმი, რომელსაც ხელი მოაწერეს ბიუროს უფროსმა გიორგი მურვანიძემ და ქუთაისის საერთაშორისო უნივერსიტეტის დირექტორის/რექტორის მოვალეობის შემსრულებელმა ვახტანგ ცაგარელმა. მემორანდუმი მიზნად ისახავს აკადემიური და პროფესიული სივრცეების დაახლოებას, ცოდნისა და პრაქტიკული გამოცდილების ინტეგრაციას, ასევე ერთობლივი საგანმანათლებლო და კვლევითი პროექტების განვითარებას.

სსიპ ლევან სამხარაულის სახელობის სასამართლო ექსპერტიზის ეროვნული ბიუროს უფროსი, გიორგი მურვანიძე სამედიცინო ექსპერტიზის დეპარტამენტის თანამშრომლებს შეხვდა. შეხვედრაზე განიხილეს მიმდინარე პროექტები, აქტუალური საკითხები და ბიუროს განვითარების სტრატეგიული მიმართულებები. საუბარი შეეხო იმ ინიციატივებს, რომლებიც მიზნად ისახავს საექსპერტო მომსახურების ხარისხის გაუმჯობესებასა და დეპარტამენტის პროფესიული შესაძლებლობების გაძლიერებას. განსაკუთრებული ყურადღება დაეთმო სამედიცინო ექსპერტიზის დეპარტამენტისთვის საერთაშორისო სტანდარტის აკრედიტაციის მოპოვების საკითხს, რომელზეც ბიუროში შესაბამისი სამუშაოები აქტიურად მიმდინარეობს. აკრედიტაცია უზრუნველყოფს საერთაშორისო პრაქტიკასთან კიდევ უფრო მეტად დაახლოებას და გააძლიერებს ბიუროს პოზიციას, როგორც რეგიონში ერთ-ერთ წამყვან საექსპერტო ინსტიტუციას.