ბიუროს პარტნიორი ორგანიზაციები

ENFSI

2011 წლის 30 ნოემბერს სსიპ - ლევან სამხარაულის სახელობის სასამართლო ექსპერტიზის ეროვნული ბიურო გახდა სასამართლო ექსპერტიზის დაწესებულებათა ევროპული ქსელის (European Network of Forensic Science Institutes - ENFSI) სრული წევრი.

1995 წლის 20 ოქტომბერს ნიდერლანდების ქ. ჰააგაში სასამართლო ექსპერტიზის დაწესებულებათა ევროპული ქსელი (ENFSI) ოფიციალურად დაარსდა.

ENFSI არის ყველაზე ავტორიტეტული საერთაშორისო ორგანიზაცია სასამართლო ექსპერტიზის დარგში და 2009 წლიდან ENFSI ევრო კავშირის მიერ აღიარებულია, როგორც «მონოპოლისტი» ამ დარგში.

ENFSI-ის მიზანია, უზრუნველყოს სასამართლო ექსპერტიზის ჩატარების მაღალი ხარისხი მსოფლიოში აღიარებული მეთოდების გამოყენებით.

მიზნის მისაღწევად ENFSI პერიოდულად ატარებს სრული წევრების შეხვედრებს, ორგანიზებას უწევს სამეცნიერო კონფერენციებს და სემინარებს, ექსპერტების სამუშაო ჯგუფებისა და სხვადასხვა კომიტეტების შეხვედრებს.

NAME

სსიპ - ლევან სამხარაულის სახელობის სასამართლო ექსპერტიზის ეროვნული ბიურო აქტიურად თანამშრომლობს სასამართლო მედიცინის ექსპერტთა ამერიკული ასოციაციასთან - National Association of Medical Examiners (NAME).

NAME წარმოადგენს ავტორიტეტულ საერთაშორისო ასოციაციას სასამართლო მედიცინის მიმართულებით, რომელიც აკრედიტაციის სპეციფიური მოთხოვნების საფუძველზე ხელს უწყობს სასამართლო სამედიცინო ექსპერტიზის მაღალი სტანდარდების დანერგვას.

IVSC

სსიპ - ლევან სამხარაულის სახელობის სასამართლო ექსპერტიზის ეროვნული ბიურო 2021 წელს «შეფასების საერთაშორისო სტანდარტების საბჭოში (International Valuation Standards Council - IVSC)» გაწევრიანდა.

IVSC წარმოადგენს ყველაზე ავტორიტეტულ ორგანიზაციას შეფასების დარგში და მისი მთავარი მიზანია შეიმუშავოს მაღალი ხარისხის შეფასების საერთაშორისო სტანდარტები (International Valuation Standards - IVS) და ხელი შეუწყოს მათ დანეგრვას მთელი მსოფლიოს მასშტაბით.

ICRC

სსიპ - ლევან სამხარაულის სახელობის სასამართლო ექსპერტიზის ეროვნული ბიურო აქტიურად თანამშრომლობს წითელი ჯვრის საერთაშორისო კომიტეტთან 1990-იანი წლების აფხაზეთსა და 2008 წლის აგვისტოს ცხინვალის საომარი მოქმედებების შედეგად უგზო-უკვლოდ დაკარგული პირების მოძიების, იდენტიფიცირებისა და ოჯახებისთვის გადაცემის პროგრამის განხორციელების მიზნით.

არსებული კანამშრომლობის ფარგლებში ახდენს შესაბამისი სამედიცინო და ბიოლოგიური ექსპერტიზების ჩატარებას.

IAFMHS

სსიპ - ლევან სამხარაულის სახელობის სასამართლო ექსპერტიზის ეროვნული ბიურო თანამშრომლობს სასამართლო ფსიქიატრიის საერთაშორისო ასოციაციასთან - International Association of Forensic Mental Health Services (IAFMHS).

IAFMHS წარმოადგენს წამყვან საერთაშორისო ასოციაციას სასამართლო ფსიქიატრიასა და სასამართლო ფსიქოლოგიაში, რომელიც აერთიანებს მსოფლიოს სხვადასხვა ქვეყნის კლინიკური, აკადემიური და სამართლებრივი სფეროს პროფესიონალებს.

IAFMHS ხელს უწყობს თანამედროვე კვლევის მეთოდებისა და პრაქტიკული მიდგომების გაზიარებას სასამართლო ფსიქიატრია-ფსიქოლოგიაში.