პროფესიით ექიმი და სამართალმცოდნე, დაამთავრა აკადემიკოს ეგნატე ფიფიას სახელობის თბილისის სამედიცინო ინსტიტუტი, სამკურნალო საქმის სპეციალობით და ივანე ჯავახიშვილის სახელობის თბილისის სახელმწიფო უნივერსიტეტის ხელოვნების-ჰუმანიტარულ პროფესიათა ფაკულტეტი, სამართალმცოდნეობის სპეციალობით. სამსახურეობრივი კარიერა დაიწყო 1999 წლიდან, სასამართლო ექსპერტიზის განვითარების საერთაშორისო ფონდი „მედეას“ სასამართლო სამედიცინო ექსპერტის თანაშემწედ.
2002-2003 წლებში გხლდათ საქართველოს იუსტიციის სამინისტროს ექსპერტიზისა და სპეც.გამოკვლევათა ცენტრის საექსპერტო-სამედიცინო ბიოლოგიური სამსახურის წამყვანი სპეციალისტი. 2004 წლიდან კარიერა განაგრძო სსიპ ლევან სამხარაულის სახელობის სასამართლო ექსპერტიზის ეროვნულ ბიუროში, თავდაპირველად კრიმინალისტიკური ექსპერტიზის დეპარტამენტის ექსპერტად, ხოლო მომდევნო წლებში, კერძოდ 2006-2009 წლებში სამედიცინო ექსპერტიზის დეპარტამენტის უფროსად. 2010 წლიდან დღემდე არის ბიუროს უფროსის პირველი მოადგილე.