ექსპერტიზის ეროვნულ ბიუროს, სსიპ დ. უზნაძის სახელობის თბილისის 22-ე საჯარო სკოლის მე-10 კლასის მოსწავლეები ესტუმრნენ. უფროსკლასელებმა კრიმინალისტიკური ექსპერტიზის დეპარტამენტის თანამედროვე სტანდარტის შესაბამისად აღჭურვილი ბალისტიკური, ტრასოლოგიური, დაქტილოსკოპიური, დოკუმენტებისა და ხელწერის ექსპერტიზის ლაბორატორიები დაათვალიერეს და უშუალოდ ექსპერტებისგან საექსპერტო საქმიანობის, დანერგილი სიახლეების შესახებ, ამომწურავი ინფორმაცია მიიღეს.

ბიუროს კრიმინალისტიკური ექსპერტიზის დეპარტამენტის ვიდეო, ფონოსკოპიური და ჰაბიტოსკოპიური ექსპერტიზის სამმართველოს ექსპერტმა მარიამ როგავამ და ბალისტიკური, ტრასოლოგიური და დაქტილოსკოპიური ექსპერტიზის სამმართველოს ექსპერტმა ბესიკ ნოზაძემ, ამერიკის საელჩოს მხარდაჭერით, ამერიკის შეერთებულ შტატებში, მერილენდში, იდენტიფიკაციის საერთაშორისო ასოციაციის (IAI) 107-ე კონფერენციაში მიიღეს მონაწილეობა.

სსიპ ლევან სამხარაულის სახელობის სასამართლო ექსპერტიზის ეროვნულ ბიუროს თბილისის სახელმწიფო სამედიცინო უნივერსიტეტის ფარმაციის ფაკულტეტის სამაგისტრო პროგრამის „ფარმაცევტული და კოსმეტოლოგიური ტექნოლოგიები“-ს სტუდენტები ესტუმრნენ.

სსიპ ლევან სამხარაულის სახელობის სასამართლო ექსპერტიზის ეროვნული ბიუროს სამედიცინო ექსპერტიზის დეპარტამენტში, აფხაზეთის ტერიტორიაზე საქართველოს ერთიანობისთვის გმირულად დაღუპული კიდევ 13 მეომრის იდენტიფიცირებული ნეშტის ოჯახებისთვის გადაცემის პროცესი გაიმართა.