სსიპ ლევან სამხარაულის სახელობის სასამართლო ექსპერტიზის ეროვნულ ბიუროს, ექსპერტიზის დღესთან დაკავშირებით, ქართულ-ამერიკული სკოლის მე-9 კლასის მოსწავლეები ესტუმრნენ, რომლებსაც კრიმინალისტიკური და ქიმიურ-ნარკოლოგიური ექსპერტიზის დეპარტამენტის ხელმძღვანელებმა უმასპინძლეს. ახალგაზრდებს დეტალურად გააცნეს ინფორმაცია ბიუროს საქმიანობის სფეროების, დანერგილი სიახლეების და ექსპერტიზის წარმოების სპეციფიკის შესახებ.

2023 წლის 3 ნოემბერს, სსიპ ლევან სამხარაულის სახელობის სასამართლო ექსპერტიზის ეროვნულმა ბიურომ ექსპერტიზის დღე აღნიშნა. ამ დღესთან დაკავშირებით, ბიუროს უფროსმა მამუკა ჯანგულაშვილმა წლის წარმატებული ექსპერტები, დაკისრებული მოვალეობების ზედმიწევნით და სანიმუშოდ შესრულებისთვის დააჯილდოვა.

ბიუროს კრიმინალისტიკური ექსპერტიზის დეპარტამენტის დოკუმენტების ტექნიკური და ხელწერის ექსპერტიზის სამმართველოს ექსპერტმა სალომე ჩოლოყაშვილმა პორტუგალიაში, ქ. ევორაში გამართულ IGS 2023: Conference of the International Craphonomics Society, 21-ე კონფერენციაში მიიღო მონაწილეობა

ბიუროს კრიმინალისტიკური ექსპერტიზის დეპარტამენტის ბალისტიკური, ტრასოლოგიური და დაქტილოსკოპიური ექსპერტიზის სამმართველოს ექსპერტმა გვანცა გუჯაბიძემ, მონაწილეობა მიიღო ბელგიის ქ. ბრიუსელში, სასამართლო ექსპერტიზის დაწესებულებათა ევროპული ქსელის ორგანიზებით გამართულ, კრიმინალისტიკური მეცნიერების ინსტიტუტის, ცეცხლსასროლი იარაღის ექსპერტთა 29 -ე სამუშაო შეხვედრაში.