გადახდის საბილინგე სისტემის დანერგვა ბიუროში

Image​სსიპ ლევან სამხარაულის სახელობის სასამართლო ექსპერტიზის ეროვნული ბიურო მიმდინარე წლის პირველი ივნისიდან კერძო სექტორის მომხმარებლებისთვის მრავალფუნქციური, სწრაფი და მოქნილი ელექტრონული საგადამხდელო სისტემის შეთავაზების მიზნით, გეგმავს საგადამხდელო სისტემების მოდიფიკაციას და გადახდების მიღებას თანამედროვე ელექტრონული საგადამხდელო პლატფორმის - ბილინგის სისტემის მეშვეობით. პირველი ივნისიდან, ბიუროს მომხმარებლებს შეეძლებათ საექსპერტო მომსახურების თანხების გადახდა კომერციულ ბანკებში და მათ დისტანციურ სერვისებში (ინტერნეტ და მობაილ ბანკების აპლიკაციები) დანერგილი საბილინგე სისტემის გამოყენებით. ბიურო მომხმარებლებს ასევე სთავაზობს საბილინგე სისტემით თანხების გადახდას სხვადასხვა საგადამხდელო ვებ გვერდებიდან და ასევე სწრაფი გადახდის ტერმინალებიდან.