ევროპული სერთიფიკატები ბიუროს დნმ ლაბორატორიას

Image​სსიპ ლევან სამხარაულის სახელობის სასამართლო ექსპერტიზის ეროვნული ბიუროს ბიოლოგიური ექსპერტიზის დეპარტამენტის, ISO17025 აკრედიტირებულმა დნმ ლაბორატორიამ 2014 წლის ბოლოს, მონაწილეობა მიიღო საერთაშორისო საკვალიფიკაციო ორ ტესტში (გარე აუდიტი), ადამიანის ბიომასალის წარმომავლობასა და გენოტიპირებაში.
2015 წლის მარტში, დნმ-ის საკვალიფიკაციო საერთაშორისო ტესტის ორგანიზატორების - გერმანიის სასამართლო ექსპერტიზის ინსტიტუტის დნმ პროფილირების სამეცნიერო ჯგუფისა - GEDNAP და შემფასებელი კომისიის ერთობლივი გადაწყვეტილებით, სასამართლო ექსპერტიზის ეროვნული ბიუროს დნმ ლაბორატორია მოხვდა წარმატებულ ლაბორატორიათა იმ ჯგუფში, რომელმაც ტესტის საუკეთესო შედეგი გამოავლინა (Group 1). 
GEDNAP-ის მიერ წარმოდგენილი 22 ნიმუში, აქედან 8 შერეული ბიოლოგიური მასალით, 6 შესადარებელი პირის და 8 ნიმუში, დნმ-ის გამოსავლიანობის შესაფასებლად, ბიუროს დნმ ლაბორატორიის მიერ გაიშიფრა სრულად და მოხდა თითოეული სატესტო ლაქის წარმომავლობის დადგენა და გენეტიკური იდენტიფიკაცია.
სსიპ ლევან სამხარაულის სახელობის სასამართლო ექსპერტიზის ეროვნული ბიუროს დნმ ლაბორატორიას ღირსეული ადგილი უკავია ევროპის წამყვან სასამართლო გენეტიკურ ლაბორატორიათა შორის. ექსპერტ-გენეტიკოსებმა კიდევ ერთხელ აჩვენეს თავიანთი მაღალი პროფესიონალიზმი და წარმატება, რასაც ამ დღეებში მიღებული სერთიფიკატები ადასტურებს.