2014 წლის 4-7 ივნისს სსიპ ლევან სამხარაულის სახელობის სასამართლო ექსპერტიზის ეროვნული ბიუროს ქიმიურ-ნარკოლოგიური ექსპერტიზის დეპარტამენტის უფროსის მოადგილე დოდო ჩორგოლაშვილი გერმანიაში ENFSI-ის სამუშაო ჯგუფის შეხვედრაზე იმყოფება.ქალაქ დიუსელდორფში სასამართლო ექსპერტიზის დაწესებულებათა ევროპული ქსელის ENFSI-ის ტექსტილისა და თმის სამუშაო ჯგუფის (European Textile and Hair Group – ETHG) შეხვედრა მიმდინარეობს.
სამუშაო შეხვედრაზე განიხილება თანამედროვე მეთოდიკები, ასევე სიახლეები ბოჭკოების ექსპერტიზის მიმართულებით.
ვიზიტის ფარგლებში დაგეგმილია სპეციალური ტრენინგის ჩატარება.
ENFSI-ის ტექსტილისა და თმის სამუშაო ჯგუფის შეხვედრას ევროპის სხვადასხვა ქვეყნის საექსპერტო დაწესებულებების წარმომადგენლები ესწრებიან.
აღნიშნული შეხვედრა გერმანიის ქალაქ დიუსელდორფში ორგანიზებულია ჩრდილოეთ რაინ-ვესტფალიას კრიმინალისტიკური სამსახურის მიერ (Landeskriminalamt North Rhine-Westphalia).
სსიპ ლევან სამხარაულის სახელობის სასამართლო ექსპერტიზის ეროვნული ბიურო ყველაზე ავტორიტეტული დაწესებულების ENFSI-ის სრულუფლებიანი წევრია.
ბიურო რეგულარულად მონაწილეობს ENFSI-ის ეგიდით ორგანიზებულ სხვადასხვა სამუშაო ჯგუფების შეხვედრებზე.